निष्पक्ष र विश्वसनीय खबरको सँगालो 
Khabar Punja
१६ माघ २०८१, बिहीबार
दमौली । भानु नगरपालिकाका मेयरका उम्मेदवार श्रीराम पौडेलले भानुलाई शिक्षा र स्वास्थ्यमा नमूना बनाउन कार्ययोजना सहित अगाडी बढ्ने बताएका छन्। आगामी वैशाख ३० गते हुने स्थानीय तह निर्वाचनमा नेकपा एकीकृत समाजवादीबाट सर्वसम्मतमा मेयरमा सिफारिस पौडेलले नगरलाई शिक्षा र स्वास्थ्यमा जिल्लाकै नमूना बनाइने बताए ।
राम्रो शिक्षा, राम्रो जीवन भन्ने नारालाई सार्थक तुल्याउन भानु नगरपालिकाका सबै सरकारी विद्यालयको शैक्षिक, भौतिक स्तरोन्नति गरी सबै विद्यालय र शैक्षिक संस्थालाई अभिभावकको रोजाईको विद्यालय बनाइने पौडेलले बताए ।
मेयरका उम्मेदवार पौडेलले जनतासँग भेटघाटका लागि घरदैलो अभियान सुरु गरिसकेका छन् । अरु दलमा उम्मेदवार छनौटमै सकस परिरहेका बेला पौडेल भने जनताको घर-घर पुगेका छन्। ‘जनताबाट सुझाव लिँदै जनताकै सेवा गर्न दृढ संकल्प बोकेको छु,’ उनले भने ।
