Khabar Punja

दमाैली । व्यास नगरपालिकाका मेयर उम्मेदवार दिपकराज जोशीले व्यासलाई उपमहानगरपालिका बनाउँछु भन्नेलाई व्यङ्ग्य गरेका छन् । मेयरमा उम्मेदवारी दिने तयारीमा रहेका जोशीले व्यास नगरपालिकामा गाउँपालिकामा हुनुपर्ने संरचना नभएको भन्दै के आधारमा उपमहानगरपालिका बनाउने भनेर प्रश्न गरेका छन् ।

केही दिनअगाडी पत्रकार सम्मेलन गर्दै व्यास नगरपालिकाका मेयर वैकुण्ठ न्यौपानेले व्यासलाई उपहानगरपालिका बनाउनुपर्ने बताएका थिए । जोशीले गाउँपालिकामा हुनुपर्ने अति आवश्यक संरचना पनि व्यासमा नभएको बताए । “व्यासका गाउँ टोल अझैपनि नगरपालिका जस्तो छैन, विकासका संरचना नभएको गाउँमा ध्यान दिनुभयो ?” उनले प्रश्न गरे, “जनता थाकेका छन्, जनता टुटेका छन् कृपया जनताको सपना बेच्न छाडिदिनुस् ।”