निष्पक्ष र विश्वसनीय खबरको सँगालो 
Khabar Punja
१७ मंसिर २०८१, मंगलवार
म्याग्दे । म्याग्दे गाउँपालिकाका अध्यक्ष उम्मेदवार मायादेवी रानाले विगत पॉच वर्षमा भएका कामको नतिजा अब आउने क्रममा रहेको बताएकी छन् । म्याग्दे-१ स्थित तल्लो गुणादी, सियाले, म्याग्दे-७ स्थित पयर, बेलबोटेमा सोमबार घरदैलोमा रानाले आफूहरुले गरेको कामको नतिजा अब आउने बताइन् ।
पॉच वर्षको अवधिमा पूर्वाधार, कृषि, स्वास्थ्य, शिक्षा लगायतका क्षेत्रमा धेरै काम भएको भन्दै उनले भनिन्, ‘कामकै मूल्याङ्कन गरेर पार्टीले मलाई पुन: टिकट दियो, जनताले पनि फेरि काम गर्ने अवसर दिनेमा ढुक्क छु ।’
मौन अवधि सुरु हुन एक दिन बॉकी रहँदा रानाले घरदैलो अभियानलाई तीव्रता दिएका छिन् ।
