निष्पक्ष र विश्वसनीय खबरको सँगालो 
Khabar Punja
१ कार्तिक २०८१, शुक्रबार
घिरिङ । तनहुँको घिरिङ गाउँपालिका-१ पुट्टारमा आयोजित सत्तारुढ गठबन्धनको चुनावी सभामा गएका एक बालक कालीगण्डकी नदीमा बेपत्ता भएका छन् । नेपाली कांग्रेस र नेकपा एकीकृत समाजवादीले सोमबार आयोजना गरेको चुनावी सभामा लगिएका १३ वर्षीय इश्वर विक पौडी खेल्ने क्रममा बेपत्ता भएका हुन् ।
घिरिङ-५ धेनुङका विकलाई चुनावी सभामा सहभागी हुन लगिएको थियो । साथीहरुसँग पौडी खेल्न गएका बेला विक बेपत्ता भएका हुन् । बेपत्ता बालक फेला नपरेको प्रहरीले जनाएको छ ।
यसैबीच बालकका आमा पूर्णमाया विकले छोराको खोजीमा सहयोग गर्न आग्रह गरेकी छन् ।
