निष्पक्ष र विश्वसनीय खबरको सँगालो 
Khabar Punja
२१ पुष २०८१, सोमबार
दमौली । तनहुँको बन्दीपुर गाउँपालिकामा माओवादी केन्द्र अगाडी देखिएको छ । गत स्थानीय तहको निर्वाचनमा बन्दीपुर माओवादीले तनहुँमा अध्यक्ष र उपाध्यक्ष दुवै जितेको एक मात्र पालिका हो । यसपालि यहाँ माओवादीको अध्यक्ष र उपाध्यक्षका उम्मेद्वार पुरानौ दोहोरिएका छन् ।
वडा नम्बर १ र ४ को एक हजार २०० मतगणना हुदाँसम्म अध्यक्ष उपाध्यक्षमा माओवादीको अग्रता छ । माओवादीबाट अध्यक्षका उम्मेद्वार पुर्णसिं थापाले ४१५ र उपाध्यक्ष करुण गुरुङले ३८३ मत पाएकी छन् ।
नेकपा एमालेका अध्यक्षका उम्मेद्वार सुरेन्द्रबहादुर थापाले ३५० मत पाएका छन् । यहाँ एमालेले कांग्रेसबाट कारबाहीमा परेका पुर्व सहमहामन्त्री गोविन्दराज जोशी समुहसँग तालमेल गरेका छन् । जोशी समुहबाट स्वतन्त्र उपाध्यक्षमा स्वतन्त्र उम्मेद्वारी दिएकी केशमाया गुरुङले १८४ मत पाएकी छन् ।
नेपाली कांग्रेसका अध्यक्षका उम्मेद्वार धुर्वलाल प्रधानले ३२४ र उपाध्यक्षकी उम्मेद्वार पञ्चमाया गुरुङले ३८२ मत पाएकी छन् ।
