निष्पक्ष र विश्वसनीय खबरको सँगालो 
Khabar Punja
९ मंसिर २०८१, सोमबार
आँबुखैरेनी । तनहुँको आँबुखैरेनी गाउँपालिकाको अध्यक्षमा नेकपा माओवादी केन्द्रका शुक्र चुमानले अग्रता बढाएका छन् । वडा नम्बर १ को गणना सकेर २ को गणना जारी रहँदा चुमानले अग्रता बढाएका हुन् ।
वडा नम्बर १ बाट आठ सय ७५ मत प्राप्त गरेका चुमानले वडा नम्बर २ को एक हजार दुई सय गणना गर्दा छ सय ६८ मत प्राप्त गरेका छन् । उनले हालसम्म एक हजार पाँच सय ४३ मत प्राप्त गरेका छन् ।
नेपाली काङ्ग्रेसका अध्यक्षका उम्मेदवार गिरबहादुर थापाले छ सय २६ र नेकपा एमालेका ऋषि केसीले चार सय ७५ मत प्राप्त गरेका छन् ।
उपाध्यक्षमा पनि नेकपा माओवादी केन्द्रकै दुर्गा अर्यालको अग्रता छ । उनले एक हजार एक सय ६३ मत प्राप्त गरेकी छन् । नेपाली काङ्ग्रेसकी पवित्रा गौलीले छ सय२३ र नेकपा एमालेका मिना केसीले सात सय ५० मत प्राप्त गरेकी छन् ।
