निष्पक्ष र विश्वसनीय खबरको सँगालो 
Khabar Punja
१३ मंसिर २०८१, शुक्रबार
बेलचौतारा : शुक्लागण्डकी नगरपालिका–५ मा नेकपा एमालेको प्यानलै विजयी भएको छ । वडाध्यक्षमा दिर्घबहादुर थापा लोकप्रिय मतका साथ विजयी भएका छन् । उनले एक हजार २१९ मत पाएका छन् । दिर्घ विजयी भएसँगै दोस्रो कार्यकालका लागि वडाध्यक्षमा दोहोरिएका छन् । उनका निकटम प्रतिष्पर्धी नेपाली कांग्रेसका हरिराज अधिकारीले ६६४ मत पाए । माओवादी केन्द्रका मित्रबन्धु पौडेलले १४० मत पाए ।
खुला वडा सदस्यमा धनेश्वर श्रेष्ठले एक हजार २० र सितादेवी तिम्लिसिनाले एक हजार ५१ मत पाएका छन् । खुला महिला सदस्यमा सायरा बानुले एक हजार १५६ मत पाएर विजयी भइन् । दलित महिला सदस्यमा ज्योति विकले एक हजार ७६ मत पाएर विजयी भएकी छिन् । यो वडामा अघिल्लो पटक पनि एमालेको प्यानल नै विजयी भएको थियो ।
