निष्पक्ष र विश्वसनीय खबरको सँगालो 
Khabar Punja
१ मंसिर २०८१, आईतवार
बन्दीपुर । तनहुँको बन्दीपुर गाउँपालिकाको अध्यक्षमा नेकपा एमाले र उपाध्यक्षमा नेपाली काङ्ग्रेस विजयी भएको छ । गाउँपालिकाको अध्यक्षमा एमालेका सुरेन्द्र थापा र उपाध्यक्षमा नेपाली काङ्ग्रेसका पञ्चमाया गुरुङ विजयी भएका छन्। अध्यक्षमा ६३ र उपाध्यक्षमा दुई मतको अन्तर परेको छ ।
अध्यक्षमा विजयी थापाले तीन हजार दुई सय २९ मत प्राप्त गरे। प्रतिस्पर्धी नेकपा (माओवादी) केन्द्रका पूर्णसिं थापाले तीन हजार एक सय ६६ मत प्राप्त गरे ।
उपाध्यक्षमा विजयी गुरुङले तीन हजार २७ मत प्राप्त गरिन् । प्रतिस्पर्धी नेकपा (माओवादी) केन्द्रका करुणा गुरुङले तीन हजार २५ मत प्राप्त गरिन।
छ वटा वडामध्ये बन्दीपुरमा नेकपा एमालेले तीन, नेकपा माओवादी केन्द्रले दुई र नेपाली काङ्ग्रेसले एक वडा जितेको छ । एमालेले वडा नम्बर १, ४ र ६, नेकपा माओवादी केन्द्रले २ र ५, काङ्ग्रेसले ३ नम्बर वडा जितेको छ ।
कूल १५ हजार छ सय ३८ मतदातामध्ये निर्वाचनमा दश हजार दुई सय पाँच मत खसेको थियो ।
