निष्पक्ष र विश्वसनीय खबरको सँगालो 
Khabar Punja
१६ मंसिर २०८१, सोमबार
दमौली। स्थानीय तहको निर्वाचन सकिएसँगै जिल्ला सभाको बैठक आव्हान गरिएको छ । जिल्ला समन्वय समिति तनहुँको निर्वाचन प्रकृयाका लागि जिल्ला सभाको वैठक आव्हान गरिएको हो ।
दश स्थानीय तहका प्रमुख/उपप्रमुख तथा अध्यक्ष/उपाध्यक्ष सभाका सदस्य हुन्छन् । जिल्ला सभामा २० सदस्य छन्।
जिल्ला समन्वय अधिकारी थमनसिंह थापाका अनुसार बिहीबार सभा आव्हान गरिएको छ । जिल्ला सभाले सदस्य सङ्ख्या निर्धारण गरेर मुख्य निर्वाचन अधिकृतको कार्यालयलाई जानकारी गराउनेछ ।
जिल्ला समन्वय समिति प्रमुख/उपप्रमुख सहित नौ सदस्यीय बनाउने तयारी छ । सदस्य सङ्ख्या निर्धारण भएपछि मुख्य निर्वाचन अधिकृतको कार्यालयले समन्वय समितिको निर्वाचन प्रकृया अगाडी बढाउने थापाले बताए ।
