निष्पक्ष र विश्वसनीय खबरको सँगालो 
Khabar Punja
२३ माघ २०८१, बिहीबार
दमौली । जिल्ला समन्वय समिति तनहुँका निवर्तमान उपप्रमुख पवित्रा पौडेललाई पुत्रशोक परेको छ । व्यास नगरपालिका–३ देउरालीनगर घर भई हाल काठमाडौ निवासी प्रविण पौडेलको मङ्गलबार निधन भएको हो । स्व. पौडेल हिमाल मिडियाका महाप्रबन्धक समेत थिए ।
यसैबीच पौडेलको निधनमा नेपाली काङ्ग्रेसका वरिष्ठ नेता रामचन्द्र पौडेलले शोक व्यक्त गरेका छन् । नेपाली काङ्ग्रेसका महासमिति सदस्य, नेपाल महिला सङ्घ तनहुँका सभापति समेत रहेकी पवित्रा पौडेलको ज्येष्ठ छोराको निधनले आफूलाई स्तब्ध बनाएको पौडेलले उल्लेख गरेका छन् ।
मृतआत्माको चीरशान्तिको कामना गर्दै वरिष्ठ नेता पौडेलले शोकसन्तप्त परिवारजनमा हार्दिक समवेदना व्यक्त गरेका छन् ।
