निष्पक्ष र विश्वसनीय खबरको सँगालो 
Khabar Punja
४ फाल्गुन २०८१, सोमबार
दमौली । पहिराले अवरुद्ध भएको पृथ्वीराजमार्ग अन्तर्गत तनहुँको जामुने–खैरेनीटार सडकखण्ड सुचारु भएको छ । तनहुँको म्याग्दे गाउँपालिका–६ स्थित तुरतुरेमा शनिबार बिहान पहिरा खस्दा अवरुद्ध भएको उक्त खण्ड सुचारु भएको हो ।
शुक्रबार रातिदेखि परेको वर्षाका कारण पहिरा खसेपछि पृथ्वीराजमार्गको उक्त खण्ड अवरुद्ध भएको थियो । सडकभन्दा माथिबाट खसेका पहिरा हटाएर राजमार्ग सुचारु गराइएको प्रहरी नायब उपरिक्षक युवराज खड्काले जानकारी दिए ।
राजमार्ग सुचारु भएपछि रोकिएका सवारी साधन गन्तव्यतर्फ लागेका छन् ।
