निष्पक्ष र विश्वसनीय खबरको सँगालो 
Khabar Punja
२ बैशाख २०८२, बुधबार
दमाैली । व्यास नगरपालिकाका मेयर उम्मेदवार दीपकराज जोशीले दमौलीको सार्वजनिक जग्गा हडप्नेमाथि छानबिन गर्नुपर्ने बताएका छन् ।
सामाजिक सञ्जाल फेसबुकमार्फत् जोशीले २०४८ सालयता दमौलीको सबै सार्वजनिक जग्गा व्यक्तिको नाममा नामसारी गरिएको बताएका हुन् ।
दरै, बोटे र कुमालहरूले आर्जेको सबै जग्गा सामन्तीहरुले हडपेर आफ्नो नाममा बनाएको जोशीले आरोप लगाएका छन् । उनले भनेका छन्, “यसको छानबिन हुनुपर्छ । बेथितिको विरुद्ध निस्कने आवाज किन त्यति चर्को छैन ? सर्वहारावर्गको मुठ्ठी एक भयो भने चट्टानको चोट दिन सकिन्छ र पनि किन मौन छौँ हामी? आज नबोले कहिले बोल्ने? तपाइँले नबोले कसले बोल्ने ?”
उनले सार्वजनिक जग्गा हडप्नेलाई बहिष्कार गर्न आव्हान गरेका छन् ।
