निष्पक्ष र विश्वसनीय खबरको सँगालो 
Khabar Punja
५ आश्विन २०८१, आईतवार
दमाैली । महङ्गी र भ्रष्टाचारको विरोधमा नेकपा एमालेमा आबद्ध मोर्चा सङ्गठनहरुले आइतबार दमौलीमा विरोध प्रदर्शन गरेको छ । विभिन्न मोर्चा सङ्गठनको संयुक्त आयोजनामा ¥याली सहितको विरोध प्रदर्शन गरिएको हो ।
बजारका विभिन्न भाग परिक्रमा गरी अनसनचोकमा कोणसभा आयोजना गरिएको थियो । कोणसभामा नेकपा एमालेका केन्द्रीय सल्लाहकार सदस्य एकबहादुर रानाले महङ्गी र भ्रष्टाचार नियन्त्रणमा सरकारले ध्यान नदिएको आरोप लगाए ।
एमाले व्यास नगर कमिटीका अध्यक्ष वीरेन्द्र अधिकारीले पाँच दलीय सरकार जनताका लागि भन्दा पनि सत्ताका लागि हानथाप गरिरहेको बताए । युवासङ्घका जिल्ला अध्यक्ष मदन तिमिल्सिना, युथफोर्सका अध्यक्ष अजित पन्थ लगायतले कार्यक्रमलाई सम्बोधन गरेका थिए ।
