निष्पक्ष र विश्वसनीय खबरको सँगालो 
Khabar Punja
१६ मंसिर २०८१, सोमबार
दमाैली । व्यास नगरपालिका–१४ स्थित छाब्दीवाराही मन्दिर भदौ १ गतेदेखि भक्तजनलाई खुल्ला गरिने भएको छ । साउन महिनाभर पूजाआजा बन्द भएको मन्दिर भदौ १ गतेदेखि खुल्ला हुन लागेको हो ।
छाब्दीवाराही मन्दिरमा प्रत्येक वर्ष साउन महिनामा पूजाआजा हुँदैन । साउन १ देखि ५ गतेसम्म धूप समेत नबालिने मन्दिरमा ५ गतेदेखि भने पूजारीले मात्र नियमित पूजाआजा गर्ने प्रचलन रहेको छाब्दीवाराही विकास कोषका अध्यक्ष थानबहादुर थापाले जानकारी दिए ।
भदौ १ गतेदेखि मन्दिर खुल्ला हुने भएपछि सोमबार स्थानीयले मन्दिर वरपर सरसफाई गरेका छन् । वाराही रजबाम युवा क्लवमा आबद्ध युवाहरुले मन्दिर क्षेत्रको सरसफाई गरेका हुन् ।
