निष्पक्ष र विश्वसनीय खबरको सँगालो 
Khabar Punja
८ मंसिर २०८१, आईतवार
दमाैली । दमौलीमा जारी प्रथम मेयर कप फुटबल प्रतियोगिता अन्तर्गत शनिबार आठ खेल सम्पन्न भएका छन् । व्यास–४ स्थित सितलचोक युवा क्लवको आयोजनामा प्रतियोगिता सञ्चालन भइरहेको छ ।
नवयुवा (बि) र नवदिप क्लवबीच भएको खेलमा नवदिप ३–२ ले विजयी भएको छ । भिवाइसी र बयरघारी स्याङ्जाबीच भएको खेलमा बयरघारी २–० ले विजयी भएको छ ।
मिस्टर डेलिभरी र लोकतान्त्रिक युवा समाजबीचको तेस्रो खेलमा लोकतान्त्रिक वाकओभरमा विजयी भएको छ ।
गन्नि एफएसी पोखरा र भिवाइसी ए बीचको खेलमा गन्नी १–० ले विजयी भएको छ । भादगाउँ एफसी र न्यु जेनेरेशन स्याङ्जाबीच भएको खेलमा भादगाउँ १–० ले विजयी भएको छ ।
नमस्ते देउराली र बागबजारबीच भएको खेलमा नमस्ते देउराली २–० ले विजयी भएको छ । न्यु बुद्ध भानु र जनसेवाबीच भएको खेलमा न्यु बुद्ध २–० ले विजयी भएको छ । रामज्योति र सितलचोकबीच भएको खेलमा सितलचोक ३–२ ले विजयी भएको छ ।
