निष्पक्ष र विश्वसनीय खबरको सँगालो 
Khabar Punja
२५ कार्तिक २०८१, सोमबार
दमाैली । दभुङ्ग चण्डीदेवी बहुउद्धेश्यीय सहकारी संस्थाले सहकारी शिक्षा तथा सहजीकरण कार्यक्रम सम्पन्न गरेको छ । सहकारी संस्थाका अध्यक्ष मोहन कुमार श्रेष्ठको अध्यक्षतामा सम्पन्न भएको उक्त कार्यक्रममा सहकारी संस्थाका संचालक समिती, उपसमिती र कर्मचारीहरुलाई सहकारी शिक्षा प्रदान गरिएको थियो ।
व्यास नगरपालिकाका सहकारी उपशाखा प्रमुख राजुहरि पण्डित र सहकारी प्रशिक्षक पुष्प खनालले कार्यक्रममा प्रशिक्षण दिए । सहकारीको ऐन, नियम, नियामावली यसको कार्यक्षेत्र र अधिकारका बारेमा प्रशिक्षकले प्रशिक्षण दिएका थिए ।
‘सहकारी आफैमा संस्था आफैले वनाएको नियम, कानुन हो, यसमा मुख्य प्रधानता निश्चित सहकारीमा नै हुने गर्दछ, नियमक निकायको खवरदारी मात्र हो’ पण्डितले भने।
व्यास-५ का वडाध्यक्ष विष्णुकुमार श्रेष्ठले सहकारी समाजको मेरुदण्ड भएको वताए ।
