निष्पक्ष र विश्वसनीय खबरको सँगालो 
Khabar Punja
२४ बैशाख २०८३, शुक्रबार
दमाैली । मङ्सिर ४ गते हुने प्रतिनिधिसभा र प्रदेशसभा निर्वाचनका लागि तनहुँमा सत्तारुढ गठबन्धन र नेकपा एमालेबीच नै प्रतिस्पर्धा हुने भएको छ । तनहुँका दुवै क्षेत्रमा सत्तारुढ गठबन्धन र नेकपा एमालेका उम्मेदवारले आइतबार उम्मेदवारी दर्ता गराएका छन् । दुवै निर्वाचन क्षेत्रमा अन्य दल तथा स्वतन्त्र उम्मेदवारले उम्मेदवारी दर्ता गराएपनि मुख्य प्रतिस्पर्धी सत्तारुढ गठबन्धन र एमाले हो ।
तनहुँ क्षेत्र नम्बर १ को प्रतिनिधिसभामा काङ्ग्रेसका रामचन्द्र पौडेल, प्रदेश १ मा अशोककुमार श्रेष्ठ र प्रदेश २ मा नेकपा माओवादीका हरिबहादुर चुमान प्रतिस्पर्धामा छन् ।
तनहुँ क्षेत्र नम्बर १ को प्रतिनिधिसभामा एमालेका एकबहादुर राना, प्रदेश १ मा रामबहादुर गुरुङ र प्रदेश २ मा पूर्णबहादुर गुरुङ प्रतिस्पर्धामा छन् ।
तनहुँ क्षेत्र नम्बर २ को प्रतिनिधिसभामा काङ्ग्रेसका शङ्कर भण्डारी, प्रदेश १ मा माओवादीका राजेन्द्रकेशरी न्यौपाने र प्रदेश २ मा काङ्ग्रेसका जीतप्रकाश आले प्रतिस्पर्धामा छन् ।
तनहुँ क्षेत्र नम्बर २ को प्रतिनिधिसभामा एमालेका शङ्कर भण्डारी, प्रदेश १ मा श्यामराजा महत र प्रदेश २ मा केदार सिग्देल प्रतिस्पर्धामा छन् ।
