निष्पक्ष र विश्वसनीय खबरको सँगालो 
Khabar Punja
१० मंसिर २०८१, मंगलवार
दमाैली । तनहुँ क्षेत्र नम्बर १ का उम्मेदवार गोविन्दराज जोशीले छाब्दी बाराहीमा पूजा गरी चुनावी अभियानको सुरु गरेका हुन् । जाेशीले व्यास नगरपालिका-१४ स्थित छाब्दीमा पूजा गरी चुनावी अभियान सुरु गरेका हुन् ।
साे अवसरमा व्यास-१, १२, १३ र १४ का जनताको नेता जोशीसँग भेट गर्नको लागि भिड लागेको थियो । छाब्दीबाट पुजा गरी जोशीले चुनावी कार्यक्रमको सुरुवात गरेकोमा खुसी लागेको छाब्दीवाराही निवासी हिमबहादुर रानाभाटले बताए।
सो अवसरमा नेता जोशीले उम्मेदवारहरुमा कसले राम्रो काम गरेको छ त्यसको मूल्याङ्कन गरी मतदान गर्नुपर्ने बताए। विगतमा आफूले गरेको काम सबैलाई छर्लङ भएको उल्लेख गर्दै नेता जोशीले तनहुँमा देखिने गरी कुनै पनि योजना नपरेको र तनहुँका जनता विकासबाट पछाडी परेकोले उम्मेदवार बनेको बताए।
जितेपछि पहिले जसरी नै जोशीले तनहुँको विकासको मुल फुटाउन र युवालाई रोजगारीको लागि विदेश जान नपर्ने अवस्था बनाउन स्थानीयले आग्रह गरेका थिए । नेता जोशीले कहिल्यै पनि झुटो नबोल्ने र गुमेको तनहुँकाे राजनीतिक हैसियत कामय राख्न उम्मेदवार बनेको धारणा राखेका थिए ।
कार्यक्रममा संविधान सभा सदस्य उर्मिला थापा, नेता शुकुमलाल गुरुङ, जिल्ला संयोजक हरिशरण पण्डित, वरिष्ठ अधिवक्ता परशुराम गिरी, अधिवक्ताहरु गोविन्द पन्थ, अभियान्ता रामदेव पन्थ, विष्णुकुमार श्रेष्ठ, आरती थापा लगायत सहभागी थिए ।
