निष्पक्ष र विश्वसनीय खबरको सँगालो 
Khabar Punja
७ मंसिर २०८१, शनिबार
दमौली । प्रधानमन्त्री कप एकदिवसीय राष्ट्रिय क्रिकेट प्रतियोगिताका लागि गण्डकी प्रदेशको टोली घोषणा गरिएको छ । गण्डकी प्रदेश क्रिकेट सङ्घले विपीन खत्रीको कप्तानीमा गण्डकी प्रदेशको टोली घोषणा गरेको हो ।
टोलीमा चन्द्रकान्त पौडेल, समिर कंडेल, विधान श्रेष्ठ, सचिनराज अधिकार,ि अर्जुन कुमाल, सन्दिप खत्री, अमृत गुरुङ, करण पङ्गेनी, सन्देश बस्नेत, अभिषेक बस्नेत, सुवास भण्डारी, कृष्ण पौडेल र कमल परियार समेटिएका छन्।
वैकल्पिक खेलाडीमा दिनेश बूढा मगर, प्रदीप अर्याल, सौजन्य रेग्मी र सन्दिप पराजुली रहेका छन् ।
छनोट भएकामध्ये चन्द्रकान्त पौडेल, समिर कंडेल, अभिषेक बस्नेत, दिनेश बूढा मगर, प्रदीप अर्याल र सन्दिप पराजुली तनहुँका हुन् ।
नेपाल क्रिकेट सङ्घले कात्तिक १३ गतेदेखि काठमाडौमा प्रधानमन्त्री कप एकदिवसीय क्रिकेट प्रतियोगिता आयोजना गरेको छ । गण्डकी प्रदेशले कात्तिक १४ गते सुदुरपश्चिम प्रदेशसँग प्रतिस्पर्धा गर्नेछ ।
गण्डकी प्रदेशस्तरीय खेलाडी छनोटका लागि कात्तिक २ गतेदेखि ६ गतेसम्म प्रदेशस्तरीय प्रतियोगिता आयोजना गरेको थियो । तनहुँको टिम प्रदेशस्तरीय छनोट खेलमा प्रथम हुन सफल भएको थियो ।
