निष्पक्ष र विश्वसनीय खबरको सँगालो 
Khabar Punja
१० पुष २०८१, बिहीबार
ऋषिङ । तनहुँको ऋषिङमा नेकपा एमालेको नेतृत्वमा विकास अभियान अगाडी बढेको मतदाताले बताएका छन् । २०७४ को निर्वाचनमा सोही क्षेत्रबाट निर्वाचित भई गण्डकी प्रदेशको अर्थमन्त्री बनेका किरण गुरुङको नेतृत्वमा ऋषिङमा विकास निर्माणका कामले गति लिएको मतदाताको भनाई छ ।
बुधबार ऋषिङको मधुवनटार, पिपलटार लगायतका ठाउँमा आयोजित मतदाता भेटघाटका क्रममा उनीहरुले गुरुङको पहलमा यो क्षेत्रमा सडक, पुल, खानेपानी लगायतका क्षेत्रमा करौडौ बजेट विनियोजन भएको बताए ।
मंसिर ४ गते हुने निर्वाचनमा तनहुँ-२ प्रतिनिधिसभा सदस्य उम्मेदवार रहेका गुरुङले आफूहरु गफभन्दा काम गर्ने बताए । एमालेको नेतृत्वमा भएका विकासका कामलाई पूरा गरिने गुरुङले बताए ।
प्रदेश सभा सदस्य उम्मेदवार केदार सिग्देलले तनहुँ क्षेत्र नम्बर २ मा आफूहरुले गरेको कामको मूल्यांकन गर्ने बेला आएको बताए ।
बुधबार गुरुङ र सिग्देलले ऋषिङका विभिन्न वडामा घरदैलो गरेका थिए ।
