निष्पक्ष र विश्वसनीय खबरको सँगालो 
Khabar Punja
२० पुष २०८१, आईतवार
दमाैली । तनहुँको घिरिङ गाउँपालिका–१ मा प्रहरीले दुई जना एमाले कार्यकर्ता पक्राउ गरेपछि मतदान कार्य स्थगित भएको छ । हिजो बेलुका काङ्ग्रेस र एमालेबीच झडप भएपछि प्रहरीले दुई जना एमाले कार्यकर्ता पक्राउ गरेको हो ।
सोहीकारण घिरिङ गाउँपालिका–१ पुट्टारस्थित कृष्ण मावि मतदान केन्द्रमा मतदान कार्य सुचारु हुन सकेको छैन । एमाले नेता विष्णुभक्त सिग्देलले एमालेको विजय सुनिश्चित हुने देखेपछि एमाले कार्यकर्ता पक्राउ गरेर त्रास फैलाउने काम गरिएको बताए ।
प्रहरी नायब उपरिक्षक युवराज खड्काले दुई पक्षबीच झडप भएपछि दुई जनालाई नियन्त्रणमा लिइएको बताए ।
