निष्पक्ष र विश्वसनीय खबरको सँगालो 
Khabar Punja
१६ बैशाख २०८१, आईतवार
दमौली । म्याग्दे गाँउपालिकाले अपाङ्गता भएका व्यक्तिहरुलाई न्यानो कपडा वितरण गरेको छ । गाउँपालिकाको स्वीकृत वार्षिक कार्यक्रम अन्तर्गत म्याग्दे गाँउपालिका वडा नं ३ तिलहारे निवासी चन्द्र वहादुर चदारोलाई न्यानो कपडा वितरण गरेको हो ।
पालिकाका उपाध्यक्ष बालकृष्ण घिमिरेले आर्थिक रुपमा विपन्न तथा बहुअपांगता भएका चदारोलाई न्यानो कपडा वितरण गरेका हुन् ।
आर्थिक रुपमा विपन्न र अपाङ्गता भएकाको जीवनयापनलाई सहज बनाउने, उनीहरुको न्युनतम गासबास कपासका लागि पालिकाले यो जाडोमा न्यानो कपडा वितरण गरेको हो ।
सोक्रममा १ थान फाईवरको सिरक, रुवाको डसना १ थान, तन्ना १ थान र सिरानी १ थान गरि कुल ४ हजार ३ सय बराबरको सामग्री वितरण गरिएको महिला तथा बालबालिका शाखाका प्रमुख शारदा ग्रैहे पौडेलले जानकारी दिइन् ।
