निष्पक्ष र विश्वसनीय खबरको सँगालो 
Khabar Punja
११ बैशाख २०८१, मंगलवार
दमाैली । तनहुँको म्याग्दे गाउँपालिका–घुम्ती निवासी एक युवा विगत एक सातादेखि सम्पर्कविहिन भएका छन् । सुस्त मनस्थिति २४ वर्षीय सुमन श्रेष्ठ माघ १० गतेदेखि सम्पर्कविहिन भएका हुन् ।
सधैंजसो दमौली गएर आउने गर्नुभएका सुमन माघ १० गतेदेखि घर नफर्किएको निजका बुबा रामप्रसाद श्रेष्ठले जानकारी दिए । छोराको खोजीकार्यका लागि प्रहरीमा खबर गरेपनि केही पत्ता नलागेको उनले गुनासाे गरे ।
सुमनका आमा उमादेवी छोरा सम्पर्कविहिन भएदेखि चिन्तित छिन्। “छोरा हराएको दिनदेखि आमा राम्रोसँग निदाउन पनि सकेकी छैन,” रामप्रसादले भने ।
उहाँक अनुसार सुमनले बिहान बेलुका नियमित औषधी सेवन गर्नुपथ्र्यो । छोराको उपचारका लागि धेरै ठाउँमा गएपनि सुधार नभएको उनले भने। “छोराले मान्छे चिन्ने भएतापनि कहिलेकाँही भुल्ने समस्या थियो,” उनले भने ।
करिब पाँच फिट चार इन्च अग्ला सुमनलाई देखेमा नजिकको प्रहरी कार्यालयमा सम्पर्क गरिदिन प्रहरीले आग्रह गरेको छ ।
