निष्पक्ष र विश्वसनीय खबरको सँगालो 
Khabar Punja
२ जेष्ठ २०८१, बुधबार
दमौली । मिस कुमाल तनहुँका विजेताले व्यास नगरपालिकाका उपप्रमुख इन्दिरा दरैसँग भेटघाट गरेका छन् । एएस क्रिएटिभ मल्टिमिडिया इभेन्ट प्रालिको आयोजनामा सम्पन्न मिस कुमालका विजेताले बिहीबार उपप्रमुख दरैसँग भेटघाट गरेका हुन् ।
मिस कुमाल विजेता सरिष्मा कुमाल, फस्ट रनर अप अन्जना कुमाल र सेकेन्ड रनर अप नविना कुमाललाई उपप्रमुख दरैले बधाई दिएकी थिइन्।
सो क्रममा दरैले महिलाहरु नेतृत्वमा आउनुपर्ने सुझाव दिएकी थिइन् । उपप्रमुखसँगको भेटघाटबाट मिस कुमाल विजेताहरुले अनुभव ग्रहण गरेको मिस कुमाल कार्यक्रमका संयोजक सुमन कुमालले जानकारी दिए ।
