निष्पक्ष र विश्वसनीय खबरको सँगालो 
Khabar Punja
९ आश्विन २०८१, बिहीबार
दमौली । बन्दीपुर गाउँपालिकामा पालिकास्तरीय प्रथम अध्यक्ष कप २०७९ फुटवल तथा भलिवल प्रतियोगिता हुने भएको छ ।
यहि फागुन १२ गते बाट वडा नम्बर ४ भुमर्सेमा रहेको पालिकास्तरीय खेलमैदानमा अध्यक्ष कप संचालन गर्न लागिएको हो । खेलमार्फत अनुशासन र गतिशिलता दिनको लागि प्रथम अध्यक्ष कप आयोजना गरिएको गाउँपालिका अध्यक्ष सुरेन्द्र बहादुर थापाले बताए ।
प्रतियोगितमा दुबै खेल तर्फ प्रथम हुनेलाई रु ३० हजार सहित ट्रफी मेडल र प्रमाणपत्र, द्वितीयलाई रु २० हजार सहित ट्रफी मेडल र प्रमाणपत्र र तृतीयलाई रु १० हजार सहित ट्रफी मेडल र प्रमाणपत्र र सान्तवना पुरस्कार रु ५ हजार प्रदान गरिने छ ।
प्रतियोगितामा सहभागी हुनका लागि पालिकाले सवै वडामा पत्राचार गरिसकेको छ । सम्बन्धित वडाले फागु १० गते भित्र समूह प्रमाणित गरी गाउँपालिकाको शिक्षा शाखामा बुझाउनु पर्नेछ । हरेक वडा बाट दुबै खेलमा ३।३ वटा टिमले सहभागीता जनाउन सक्नेछन् ।
