निष्पक्ष र विश्वसनीय खबरको सँगालो 
Khabar Punja
२३ पुष २०८१, बुधबार
दमाैली । तनहुँको म्याग्दे गाउँपालिका–४ थर्पुस्थित घुम्तीबाट लागुऔषध सहित एक युवा पक्राउ परेका छन् । पक्राउ पर्नेमा नवलपरासी सुनवल नगरपालिका–१ स्थायी घर भई घुम्तीमा डेरा गरी बस्ने २१ वर्षीय अजयबहादुर सार्की रहेको जिल्ला प्रहरी कार्यालय तनहुँले जनाएको छ ।
प्रहरीले सार्कीको कोठा खानतलासी गर्दा लुकाई राखेको अवस्थामा ३३ एम्पुल लागुऔषध बरामद गरेको प्रहरी नायब उपरिक्षक मोहनबहादुर खाँणले जानकारी दिनुभयो ।
निजविरुद्ध सोमबार तनहुँ अदालतबाट दश दिनको म्याद थप गरिएको छ ।
