निष्पक्ष र विश्वसनीय खबरको सँगालो 
Khabar Punja
८ बैशाख २०८२, मंगलवार
दमाैली । प्रमुख जिल्ला अधिकारी छविलाल रिजालले तनहुँ उद्योग वाणिज्य संघसँग सहकार्य गरेर काम गर्दा प्रशासनलाई सहज हुने बताएका छन् । संघले बुधबार आयोजना गरेको स्वागत एवं सम्मान कार्यक्रममा प्रजिअ रिजालले निजी क्षेत्रसँग सहकार्य गरेर काम गर्दा प्रशासनलाई सहज हुने विश्वास व्यक्त गरे ।
सरकार र निजी क्षेत्रको सहकार्यबाट मात्रै समृद्धि सम्भव रहेकाले सकारात्मक कुरामा संघसँग सहकार्य गर्न प्रशासन सदैव तयार रहेको बताए ।
प्रहरी उपरिक्षक अवदेश विष्ट क्षेत्रीले उद्योगी व्यवसायीको सुरक्षामा प्रहरी गम्भीर रहेको बताए ।
सोक्रममा संघका अध्यक्ष पविन्द्रकुमार श्रेष्ठले प्रजिअ रिजाल र प्रहरी उपरिक्षक विष्टलाई स्वागत गरेका थिए । कार्यक्रममा नेपाल उद्योग वाणिज्य महासंघका केन्द्रिय सदस्य एवं संघका पूर्व अध्यक्ष देवकुमार श्रेष्ठ, संघका पूर्व अध्यक्ष मानकाजी श्रेष्ठ, महिला उद्यमी सभापति शकुन्तला आले लगायतले बोलेका थिए ।
