निष्पक्ष र विश्वसनीय खबरको सँगालो 
Khabar Punja
१९ बैशाख २०८१, बुधबार
दमौली । रामचन्द्र पौडेल राष्ट्रपति भएपछि रिक्त रहेको तनहुँ १ मा कांग्रेसबाट नेता कृष्ण प्रसाद सिटौला उपचुनाव लड्ने चर्चा चलिरहेका बेला सोही जिल्लाबाट निर्वाचित सांसद समेत रहेका कांग्रेस केन्द्रीय सदस्यले चासो राखेका छन् ।
विभिन्न सञ्चारमाध्यममा समाचार आएपछि भण्डारीले सिटौलाई सम्पर्क गर्दा उनले आफू तनहुँबाट चुनाव लड्नेबारे नसोचेको जवाफ दिएका छन् । केही नेताहरूले चाहना राखेपनि सिटौलाले आफू उपचुनाव नलड्ने जानकारी भण्डारीलाई गराएका हुन् ।
केन्द्रीय सदस्य भण्डारीका अनुसार तनहुँ क्षेत्र नं १ बाट आफू निर्वाचन लड्न लागेको भन्ने प्रचारले आफूलाई दुःखी बनाएको सिटौलाले बताएका छन् । तनहुँ १ बाट उपचुनाव लड्न गोविन्द भट्टराई, रामचन्द्र पोखरेल, ध्रुव वाग्ले र दीपक भट्टराईले दाबी गरेका छन् ।
यद्यपि सिटौलाले चाहेको खण्डमा उनलाई तनहुँबाट उपचुनाव लडाएर संसदमा ल्याउन कांग्रेस सभापति शेरवहादुर देउवालगायतका नेता सकारात्मक रहेको बताइएको छ । (नेपाल प्रेस)
