निष्पक्ष र विश्वसनीय खबरको सँगालो 
Khabar Punja
८ मंसिर २०८१, आईतवार
काठमाडौ । सिन्धुपाल्चोकको जिल्लाको मेलम्ची नगरपालिकास्थित इन्द्रावती बहुमुखी क्याम्पसको सभापति पदमा अनेरास्ववियु र नेविसंघका उम्मेदवारले बराबरी मत ल्याएपछि गोला प्रणालीबाट चुनिएको छ ।
आइतबार भएको मतगणनामा अनेरास्ववियुका किसन दुलाल १०८ र नेविसंघका सरोज बस्नेतले १०८ बराबरी मत ल्याएका थिए । त्यसपछि पुनः मतगणना गरिएको थियो ।
अन्तिममा दुवै पक्षबाट गोला प्रणालीबाट सभापति चुनिने सहमति भएपछि अनेरास्ववियुका किसन दुलाल विजयी भएका छन् । दुई सय ४२ मत खसेकोमा अन्य सचिव, कोषाध्यक्ष र सदस्य पदमा भने अनेरास्ववियु क्रान्तिकारी, अखिल र राप्रपाको गठबन्धन विजयी भएको छ ।
