निष्पक्ष र विश्वसनीय खबरको सँगालो 
Khabar Punja
११ माघ २०८१, शनिबार
दमौली। राष्ट्रिय स्वतन्त्र पार्टीका सभापति रवि लामिछानेलाई साथमा राखेर स्वर्णिम वाग्लेले तनहुँ १ मा उम्मेदवारी दर्ता गराएका छन् । उनको प्रस्तावकमा नेपाली कांग्रेस तनहुँका पूर्व सचिव विश्व बाँस्तोला रहेका छन् । उनले गत स्थानीय तहको निर्वाचनमा टिकट वितरणमा असन्तृष्टि जनाउँदै कांग्रेस परित्याग गरेका थिए । हाल राष्ट्रिय स्वतन्त्र पार्टीमा खुलेका छन् ।
वाग्लेको उम्मेदवारीमा डा.रुपक घिमिरे समर्थक छन् । राष्ट्रिय स्वतन्त्र पार्टी मंसिर ४ को निर्वाचनमा चौंथो पार्टी बनेको थियो । राष्ट्रिय स्वतन्त्र पार्टीबाट उम्मेदवार बनेका विकास सिग्देलले ६ हजार ४४ मत ल्याएका थिए ।
कांग्रेसको गढ तनहुँ १ मा बैशाख १० मा हुने उपनिर्वाचन लड्नलाई स्वर्णिम केही दिन अगाडि मात्रै कांग्रेस छाडेर राष्ट्रिय स्वतन्त्र पार्टी प्रवेश गरेका हुन् ।
