निष्पक्ष र विश्वसनीय खबरको सँगालो 
Khabar Punja
१७ माघ २०८१, शुक्रबार
दमौली । तनहुँको ऑबुखैरेनी गाउँपालिका-४ वेनीटारबाट लागुऔषध सहित एक युवा पक्राउ परेका छन् । पक्राउ पर्नेमा भिमाद-९ बुचाखानीका २२ वर्षीय विवश गुरुङ रहेको प्रहरीले जनाएको छ ।
अस्थायी प्रहरी पोष्ट मुग्लिङ पुलजिप तनहुँबाट खटिएको प्रहरी टोलीले वीरगञ्जबाट पोखरा तर्फ आउदै गरेको ग १ ख ९९४६ नम्बरको बस रोकी चेकजाँच गर्ने क्रममा बसमा सवार गुरुङलाई लागुऔषध सहित पक्राउ गरेको प्रहरी नायब उपरिक्षक मोहनबहादुर खॉणले जानकारी दिए ।
प्रहरीले निजको साथबाट नाइट्राभेट ६७५ ट्याब्लेट बरामद गरेको छ । निज विरुद्ध मंगलबार तनहुँ अदालतबाट दश दिनको म्याद थप गरिएको छ ।
