निष्पक्ष र विश्वसनीय खबरको सँगालो 
Khabar Punja
२२ पुष २०८१, मंगलवार
दमाैली । भेटेरीनरी अस्पताल तथा पशु सेवा विज्ञ केन्द्र तनहुँको आयोजनामा शुक्लागण्डकी नगरपालिका–१० मा व्यावसायिक रुपमा सञ्चालित दुई पशु फार्मको शुक्रबार अनुगमन गरिएको छ । पशुपालनमा व्यवसायमा कृषकले भोग्नुपरेका समस्या, चुनौति र समाधानका उपाय बारे छलफल गर्न र व्यावसायिक रुपमा पशुपालन गरिरहेका कृषकलाई प्रोत्साहन गर्ने उद्देश्यसहित केन्द्रको आयोजनामा अनुगमन गरिएको हो ।
शुक्लागण्डकी–१० वैशाखेघाट लाइभस्टक एग्रो प्रालि र युनिक मल्टि एग्रो प्रालिको अनुगमन गर्दै सञ्चालकसँग छलफल गरिएको थियो । त्यसक्रममा दुवै फार्मका सञ्चालकहरुले पशुपालन व्यवसायमा भोग्नुपरेका समस्याबारे जानकारी गराएका थिए ।
अनुगमन प्रमुख जिल्ला अधिकारी छविलाल रिजाल, विज्ञ केन्द्रका प्रमुख डा. बालकुमार श्रेष्ठ, प्राविधिक रुद्र ठकुरी लगायत पत्रकारहरुको सहभागिता थियो ।
