निष्पक्ष र विश्वसनीय खबरको सँगालो 
Khabar Punja
२३ पुष २०८१, बुधबार
दमाैली । तनहुँ क्षेत्र नम्बर १ का प्रतिनिधिसभा सदस्य डा. स्वर्णिम वाग्लेको धन्यवाद ज्ञापन कार्यक्रम स्थगित भएको छ । वाग्ले सोमबार राति तनहुँ आउने कार्यक्रम रहेको थियो ।
पृथ्वीराजमार्ग अन्तर्गत धादिङको धुनीवेशी र थाक्रे जोड्ने गणेश खोला पुल भासिएर राजमार्ग अवरुद्ध भएपछि वाग्ले काठमाडौ फर्किएका छन् । उनी सोही जाममा परेका थिए ।
वाग्ले मंगलबारदेखि केही दिन जिल्लाका विभिन्न ठाउँका पालिकामा आयोजित धन्यवाद ज्ञापन कार्यक्रममा सहभागी हुने कार्यतालिका रहेकामा हाललाई उक्त कार्यक्रम स्थगित गरिएको राष्ट्रिय स्वतन्त्र पार्टीका नेता विश्व बास्तोलाले जानकारी दिए । उनका अनुसार धन्यवाद ज्ञापन कार्यक्रम केही समयपछि गरिनेछ ।
