निष्पक्ष र विश्वसनीय खबरको सँगालो 
Khabar Punja
६ मंसिर २०८१, शुक्रबार
दमौली । तनहुँको भानु नगरपालिका-६ निवासी क्यान्सर पीडित सुनिता पौडेलको सफल शल्यक्रिया भएको छ । उनको आइतबार काठमाडौस्थित नेशनल हस्पिटल एण्ड क्यान्सर सेन्टर प्रालिमा सफल शल्यक्रिया भएको हो ।
पॉच घण्टाको प्रयासमा उनको शल्यक्रिया गरिएको युवा अभियान्ता मनोजकुमार श्रेष्ठले जानकारी दिए । श्रेष्ठकै सक्रियतामा पौडेलको उपचारका लागि रकम संकलन गर्ने काम भइरहेको छ ।
आठ दिनको अवधिमा ८ लाख भन्दा बढी रकम जुटिसकेको उनले बताए । यो अभियानमा देश तथा विदेशबाट सर्वसाधारण जोडिएका छन् ।
श्रेष्ठले भने, ‘आज सॉच्चिकै मेरो लागि खुसीको दिन हो । सुनिता बहिनीको उपचारका लागि सहयोग आव्हान गरेकामा धैरे दाता मेरो अभियानमा जोडिएर सहयोग गर्नुभयो । सबै दाताहरुलाई पनि धन्यवाद दिन चाहन्छु ।’
१४ महिनादेखि आन्द्रा र पाठेघरको क्यान्सर पीडित बनेकी पौडेलको आर्थिक अभावका कारण उपचार हुन सकेको थिएन ।
