निष्पक्ष र विश्वसनीय खबरको सँगालो 
Khabar Punja
१० पुष २०८२, शुक्रबार
दमाैली । माध्यमिक शिक्षा परीक्षा (एसइइ) अन्तर्गत तनहुँमा एक सय ५२ विद्यार्थीले ३.६ भन्दा बढी जिपिए प्राप्त गरेका छन् । बिहीबार सार्वजनिक भएको नतिजा अनुसार साधारणतर्फ एक सय ३९ र प्राविधिक धारतर्फ १३ गरी एक सय ५२ विद्यार्थीले ३.६ भन्दा बढी जिपिए प्राप्त गरेका छन् ।
जिल्लामा सबैभन्दा बढी ३.९५ जिपिए प्राप्त भएको शिक्षा विकास तथा समन्वय इकाई प्रमुख बसन्तराज पौडेलले जानकारी दिए ।
३.२ देखि ३.६ जिपिए ल्याउने विद्यार्थीको सङ्ख्या पाँच सय १८ छ । त्यसमध्ये साधारणसभातर्फ चार सय ९२ र प्राविधिक धारतर्फ २६ विद्यार्थी छन् ।
२.८ देखि ३.२ जिपिए ल्याउने साधारणतर्फ सात सय ३७ र प्राविधिक धारतर्फ ४६ गरी सात सय ८३, २.४ देखि २.८ जिपिए ल्याउने साधारणतर्फ एक हजार एक सय ४२ र प्राविधिक धारतर्फ ४१ गरी एक हजार एक सय ८३, २ देखि २.४ जिपिए ल्याउने साधारणतर्फ एक हजार चार सय ३५ र प्राविधिक धारतर्फ १८ गरी एक हजार चार सय ५३ विद्यार्थी छन् ।
१.६ देखि २ जिपिए ल्याउने साधारणतर्फ एक हजार एक सय ७८ र प्राविधिक धारतर्फ सात गरी एक हजार एक सय ८५, १.६ भन्दा तल जिपिए ल्याउने साधारणतर्फ तीन सय ७४ विद्यार्थी छन् ।
परीक्षामा साधारणतर्फ ३९ र प्राविधिक धारतर्फ दुई गरी ४१ विद्यार्थी अनुपस्थित थिए । परीक्षामा साधारणतर्फ पाँच हजार पाँच सय ३६ र प्राविधिक धारतर्फ एक सय ५३ गरी कूल पाँच हजार छ सय ८९ विद्यार्थी सहभागी थिए ।
