निष्पक्ष र विश्वसनीय खबरको सँगालो 
Khabar Punja
१० मंसिर २०८१, मंगलवार
दमौली । ‘पानीको फोका जस्तै’ चर्चित गीतका गायक मनोज राज सिवाकोटीको सुमधुर आवाज र बहुआयामिक गीतकार सागर उदासको शब्द रहेको गीत ‘तिम्रो मेरो पिरतीमा’ को भिडियो रिलिज हुने भएको छ ।
संगीतकार हरि लम्सालद्वारा संगीतबद्ध गीतको भिडियोमा कलाकारहरू सुदिप पौडेल, सपना न्यौपाने, बालकृष्ण श्रेष्ठ, सुब्बा बि.क., रामु पौडेल, रमेश शर्मा लगायतको अभिनय रहेको छ । पत्रकार पूर्ण विकेको निर्देशन रहेको भिडियोको छायांकन तथा सम्पादन सुशान पन्थले गरेका हुन् भने ड्रोन पाइल महेस वाग्ले रहेका छन् ।
तनहुँको ऐतिहासिक एवं पर्यटकीय स्थल तनहुँसुरमा छायाङ्कन गरिएको गीतमा जातीय विभेदका घटनाहरुलाई प्रस्तुत गरिएको छ । जातको कारण सुमधुर प्रेम सम्बन्ध वियोगमा परिणत भएको कथावस्तु समेटिएको निर्देशक विकेले बताए ।
