निष्पक्ष र विश्वसनीय खबरको सँगालो 
Khabar Punja
६ माघ २०८१, सोमबार
दमौली । प्रहरीले लागुऔषध सहित दुई जनालाई पक्राउ गरेको छ । ऑबुखैरेनी र व्यास नगरपालिकाबाट प्रहरीले बिहीबार दुई जनालाई पक्राउ गरेको हो ।
आँबुखैरेनी–४ बेनीटारस्थित पृथ्वीराजमार्ग खण्डमा मुग्लिनतर्फ आउँदै गरेको ना ६ ख २५४९ नम्बरको बस रोकी जाँच गर्ने क्रममा बागलुङको बागलुङ नगरपालिका ३ बस्ने २१ वर्षीय अनिश विक पक्राउ परेका छन् ।
प्रहरीले निजको साथबाट डाइजेपाम २०, नुफिन २० र फेनरागम २० थान बरामद गरेको छ। निज विरुद्ध बिहीबार अदालतबाट दश दिनको म्याद थप गरिएको छ ।
यस्तै व्यास-४ भोर्लेटारचोकबाट व्यास-१० बोक्सीगैरा बस्ने १९ वर्षीय चन्द्रबहादुर कामी गाजा सहित पक्राउ परेका छन् ।
कामीले पछाडी बोकेको झोला भित्र लुकाई छिपाई राखेको अवस्थामा १ किलो ९०० ग्राम लागु औषध गाँजा फेला पारी बरामद भएको र निज विरुद्ध तनहुँ जिल्लाअदालतबाट दिन ७ (सात) को म्याद थप अनुमती लिई थप अनुसन्धान भईरहेको जनाएको छ ।
