निष्पक्ष र विश्वसनीय खबरको सँगालो 
Khabar Punja
१३ मंसिर २०८१, शुक्रबार
दमौली । गण्डकी प्रदेश सरकार मातहत तनहुँ जिल्लाका विभिन्न कार्यालय प्रमुखको सरुवा भएको छ । प्रदेश सरकारको साउन ३२ को निर्णय अनुसार तनहुँका विभिन्न कार्यालय प्रमुख तथा अन्य कर्मचारीको सरुवा भएको हो ।
डिभिजन वन कार्यालय प्रमुख कोमलराज काफ्लेको गोरखामा सरुवा भएको छ भने तनहुँमा गोरखाबाट अशोककुमार श्रेष्ठ आउने भएका छन् ।
वन अधिकृत नवराज बरालको तनहुँबाट पर्वत, नवराज घिमिरेको गोरखा, विनयबहादुर अधिकारीको म्याग्दी सरुवा भएको छ ।
कृषि ज्ञान केन्द्र तनहुँका प्रमुख कुलप्रसाद तिवारीको नवलपुर सरुवा भएको छ भने तनहुँमा नवलपुरबाट गोपालप्रसाद लामिछाने आउने भएका छन् ।
भेटेरीनरी अस्पताल तथा पशु सेवा विज्ञ केन्द्रका प्रमुख डा. बालकुमार श्रेष्ठको पशुपंक्षी तथा मस्त्य विकास निर्देशनालय पोखरा सरुवा भएको छ भने तनहुँमा पशुपंक्षी तथा मस्त्य निर्देशनालयबाट डा. राजेशकुमार चौधरी आउने भएका छन् ।
जलस्रोत तथा सिँचाइ डिभिजन तनहुँका प्रमुख रमेशराज शर्माको कास्की सरुवा भएको छ भने तनहुँमा गोरखाबाट प्रकाश लम्साल आउने भएका छन्।
पूर्वाधार विकास कार्यालय तनहुँका प्रमुख दिनेश घिमिरेको बागलुङ सरुवा भएको छ भने तनहुँमा पर्वतबाट कृष्ण आचार्य आउने भएका छन् ।
