निष्पक्ष र विश्वसनीय खबरको सँगालो 
Khabar Punja
५ आश्विन २०८१, आईतवार
दमाैली । तनहुँको व्यास नगरपालिका–३ विपी वनवाटिकामा निर्माणको अन्तिम चरणमा पुगेको जिल्ला सभागृहको मुख्य गेटमा आइतबार तालाबन्दी गरिएको छ । सभाहललाई अपाङ्गतामैत्री बनाउन माग गर्दै सभागृहको मुख्य गेटमा तालाबन्दी गरिएको हो ।
पहुँचयुक्त जिल्ला सभागृह हल निर्माणका लागि अपाङ्गता भएका व्यक्तिहरुको सङ्घर्ष समितिका संयोजक मदन पौडेलको नेतृत्वमा तालाबन्दी गरिएको हो । निर्माण सम्पन्न भएर उद्घाटनको चरणमा रहेको भवन अपाङ्गतामैत्री नभएकाले सोही माग गर्दै तालाबन्दी गर्नुपरेको पौडेलले बताए ।
सहमति बिना ताला तोड्ने काम नगर्न आग्रह गर्दै पौडेलले सरकारले गर्ने व्यवहारले आन्दोलनको स्वरुप परिवर्तन हुन सक्ने उल्लेख गरे ।
समितिले गत साउन १० गते जिल्ला समन्वय समितिलाई सभागृह अपाङ्गतामैत्री बनाउन माग गर्दै ज्ञापनपत्र बुझाएको थियो । तत्पश्चात सकेसम्म सहमतिबाट निकास निकाल्नका लागि सस्थाको तर्फबाट सरकारी पक्षसँग अनौपचारिक छलफल गर्ने काम समेत भयो तर आलटाल गर्ने काम मात्र भएको पौडेलको आरोप छ ।
