निष्पक्ष र विश्वसनीय खबरको सँगालो 
Khabar Punja
१७ जेष्ठ २०८२, शनिबार
दमौली । तनहुँ-१ का सांसद डा. स्वर्णिम वाग्लेले भ्रमको खेती गर्ने प्रचलन बढेको बताएका छन् । गोरखामा आयोजित रास्वपाको कार्यक्रममा उनले जनता धेरै सचेत भइसकेकाले भ्रमको खेती नटिक्ने दावी गरे ।
बोल्दै नबोलेको कुरालाई यस्तो भन्यो भनेर प्रचार गर्ने गरिएको उनको भनाइ थियो । उनले भने, ‘तपाईहरुकै सामुन्ने नबोलिएका कुरालाई यस्तो भन्यो भन्दा नपत्याइदिनुहोला, तपाईहरुले पत्याउनुभएको पनि छैन ।’
नेपाली सेनाका बारेमा स्वर्णिम वाग्लेले यस्तो भन्यो रे भनेर गलत हल्ला फैलाइएको उनले बताए । देश बनाउनुपर्छ भनेर होमिएका व्यक्तिहरुले गैरजिम्मेवार अभिव्यक्ति नदिने उनको भनाइ थियो ।
