निष्पक्ष र विश्वसनीय खबरको सँगालो 
Khabar Punja
१७ मंसिर २०८१, मंगलवार
दमाैली । तनहुँकाे बन्दीपुर गाउँपालिका–४ स्थित गोरखकाली युवा क्लवको आयोजनामा सम्पन्न यमबहादुर स्मृति कप छैटो गाउँपालिका स्तरीय भलिबल कपको उपाधि सप्तरङ्गी युवा क्लवले जितेको छ ।
आज सम्पन्न फाइनलमा आयोजक गोरखकाली युवा क्लव भुमर्सेलाई पराजित गर्दै सप्तरङ्गी युवा क्लवले उपाधि जितेको हो ।
प्रतियोगितामा आयोजक गोरखकाली युवा क्लव द्वितीय भएको छ भने शेराटार युवा क्लवले तृतीय स्थान हासिल गरेको छ ।
प्रतियोगितामा प्रथम, द्वितीय र तृतीय हुने टिमलाई क्रमशः रु ५० हजार, रु ३० हजार र रु १५ हजार नगद पुरस्कार प्रदान गरिएको छ । हरितालिका तीज पर्वको अवसर पारी भदौ २९ गतेदेखि सुरु प्रतियोगितामा १७ टिमको सहभागिता रहेको थियो ।
प्रतियोगिताका विजेतालाई राष्ट्रिय परिषद्का उपाध्यक्ष सुुरेन्द्र बस्नेतले पुरस्कार वितरण गरे। सो अवसरमा बस्नेतले खेल क्षेत्रको विकासका लागि सरकार प्रतिबद्ध रहेको उल्लेख गरे ।
क्लवका सल्लाहकार सुदिन पौडेलले बन्दीपुर पालिकास्तरीय भलिबल प्रतियोगितामा सर्वाधिक राशी भएको यही प्रतियोगिता भएको जानकारी दिए। क्लवका पूर्व अध्यक्ष यमबहादुर थापाको स्मृतिमा क्लवले भलिबल प्रतियोगिता आयोजना गरेको हो ।
