निष्पक्ष र विश्वसनीय खबरको सँगालो 
Khabar Punja
७ मंसिर २०८१, शनिबार
दमाैली । राष्ट्रपति रामचन्द्र पौडेल गृहजिल्ला तनहुँ आउने भएका छन् । राष्ट्रपति बनेपछि पाैडेल पहिलोपटक गृहजिल्ला आउन लागेका हुन् ।
तनहुँको व्यास नगरपालिका–३ बिपी वनवाटिकामा निर्माण सम्पन्न भएको सभागृहको उद्घाटनका लागि असोज ६ गते राष्ट्रपति तनहुँको दमौली आउने निश्चित भएको जिल्ला समन्वय समितिका प्रमुख शान्तिरमण वाग्लेले जानकारी दिए।
उक्त दिन राष्ट्रपति पौडेलले सभागृहको उद्घाटन गर्ने कार्यक्रम तय भएको छ । साथै सभागृहको आडैमा निर्माण गरिएको बिपी पार्कमा बिपी कोइरालाको शालिकको राष्ट्रपति पौडेलले अनावरण गर्नेछन् ।
असोज ६ गते हुने कार्यक्रमको तयारीबारे जानकारी लिन जिल्ला समन्वय समितिका प्रमुख वाग्ले, व्यास नगरपालिकाका प्रमुख वैकुण्ठ न्यौपाने र प्रमुख जिल्ला अधिकारी छविलाल रिजालले मङ्गलबार निरीक्षण गरेका छन् ।
असोज ६ गते कार्यक्रमको तयारी अन्तिम चरणमा पुगेको प्रमुख जिल्ला अधिकारी रिजालले जानकारी दिए।
