निष्पक्ष र विश्वसनीय खबरको सँगालो 
Khabar Punja
२५ पुष २०८१, शुक्रबार
दमाैली । नेपाल बार एशाेसिएसन तनहुँ ईकाइले न्याय परिषदबाट हालै नियुक्त भएका उच्च अदालतका न्यायाधीशद्वय हरिश्चन्द्र ढुंगाना र यज्ञ बहादुर रानालाई बधाई तथा सम्मान गरेको छ।
२०८० सालको बडा दशमी तथा दिपावलीको पावन अवसर पारेर इकाइले साेमबार उनीहरुलाई बधाई तथा सम्मान गरेकाे हाे ।
जिल्ला अदालतका न्यायाधीश काेमलप्रसाद आचार्य, व्यास नगरपालिकाका प्रमुख वैकुण्ठ न्याैपानेले उनीहरुलाई फूलमालासहित अबिर,दोसल्ला, भादगाउँले टोपी प्रदान गरी बधाई तथा सम्मान गरेका छन् ।
इकाइ अध्यक्ष डम्बरदेव हड्खलेकाे अध्यक्षतामा भएकाे कार्यक्रममा इकाइका पूर्व अध्यक्ष शिवदत्त ढकाल, अधिवक्ता मिलन आले ,केशव भट्टराई, चन्द्रकान्त वाग्ले, जिल्ला सरकारी वकिल गोविन्द उपाध्याय, प्रहरी प्रमुख अवदेश विष्ट, वरिष्ठ अधिवक्ता परशुराम गिरी, कमलामाेहन वाग्ले, प्रमुख जिल्ला अधिकारी छविलाल रिजाल लगायतले बधाई तथा शुभकामना व्यक्त गरेका थिए।
