निष्पक्ष र विश्वसनीय खबरको सँगालो 
Khabar Punja
१८ बैशाख २०८१, मंगलवार
दमाैली । इजरायलमा प्यालेस्टिनी हमास समूहको आक्रमणमा परी ज्यान गुमाएका नेपाली विद्यार्थीको सम्झनामा साेमबार तनहुँको शुक्लागण्डकी नगरपालिका–४ स्थित बिपी चोकमा दीप प्रज्ज्वलन गरिएको छ ।
लायन्स क्लब अफ दुलेगौंडा खैरेनी सिटी र लियो क्लव अफ दुलेगौंडा खैरेनी सिटीको आयोजनामा बिपी चोकमा दीप प्रज्ज्वलन गरिएको हो ।
दीप प्रज्वलनमा सहभागीहरूले इजरायल र गाजामा शान्तिको कामना गरेका थिए । यस्तै उनीहरूले युद्धलाई अन्त्य गर्न पनि माग राखेका छन् । इजरायलमा फसेका नेपालीहरूको सुरक्षाको माग र तत्काल उद्धार गरी उनीहरूलाई फिर्ता ल्याउन पहल गर्नुपर्ने सहभागीको आग्रह थियो ।
हमासले शनिबार गरेको आक्रमणमा परी इजरायल गएका सुदूरपश्चिम विश्वविद्यालयमा अध्ययनरत दश विद्यार्थीको मृत्यु भएको थियो ।
