निष्पक्ष र विश्वसनीय खबरको सँगालो 
Khabar Punja
१४ मंसिर २०८१, शनिबार
दमाैली । तनहुँको आँबुखैरेनी गाउँपालिका–१ बरादीमा चितुवाको आक्रमणबाट आज साँझ एक बालिका घाइते भएकी छन् । घाइते हुनेमा स्थानीय प्रेम गौलीको छोरी छ वर्षीया प्रनिशा गौली रहेको जिल्ला प्रहरी कार्यालय तनहुँले जनाएको छ ।
घरको आँगनमा खेलिरहेको अवस्थामा चितुवाले बालिकालाई आक्रमण गरी घाइते बनाएको हो । चितुवाले आक्रमण गरी घरदेखि अन्दाजी दश मिटर पर लगेको अवस्थमा बाबुले थाहा पाई तत्कालै उद्धार गरेका थिए ।
घाइते बालिकालाई तत्कालै प्राथमिक स्वास्थ्य केन्द्र सत्रसय लगिएको र त्यहाँबाट थप उपचारका लागि चितवनस्थित नयाँ मेडिकल कलेज पठाइएको जिल्ला प्रहरी कार्यालय तनहुँका प्रहरी नायब उपरिक्षक मोहनबहादुर खाँणले जानकारी दिए ।
