निष्पक्ष र विश्वसनीय खबरको सँगालो 
Khabar Punja
१५ बैशाख २०८१, शनिबार
काठमाडौं । स्वास्थ्य बीमा बोर्डको अध्यक्षमा डा गुणराज लोहनी नियुक्त भएका छन्। तनहुँका डा लोहनीलाई मन्त्रिपरिषद् बैठकले अध्यक्षमा नियुक्त गरेको हो।
उनी अवकासप्राप्त चिकित्सक हुन्। यसअघि उनले चिकित्सा विज्ञान राष्ट्रिय प्रतिष्ठान (न्याम्स) वीर अस्पतालको प्रमुख भएर काम गरिसकेका छन्।
स्वास्थ्य तथा जनसंख्या मन्त्रालयका पूर्वअतिरिक्त सचिव भइसकेका डा लोहनी स्वास्थ्य बीमा कार्यक्रम राम्ररी बुझेका व्यक्ति मानिन्छन्। उनकै पहलमा विसं २०७२ चैत २५ मा कैलालीबाट स्वास्थ्य बिमा कार्यक्रम सुरु भएको थियो।
उनी त्यस समयमा बिमा बोर्डका कार्यकारी निर्देशक थिए। त्यसपछि उनकै अग्रसरतामा स्वास्थ्य बिमा ऐन मस्यौदा तयार भएको थियो। गत २४ माघमा डा सेनेन्द्रराज उप्रेतीले बोर्डको अध्यक्षबाट राजीनामा दिएपछि सो पद रिक्त थियो।
