निष्पक्ष र विश्वसनीय खबरको सँगालो 
Khabar Punja
७ मंसिर २०८१, शनिबार
दमौली । तनहुँको ऑबुखैरेनी गाउँपालिका-४ वेनीटारबाट लागुऔषध सहित एक युवा पक्राउ परेका छन् । पक्राउ पर्नेमा गोरखाको सिरानचोक गाउँपालिका-२ थालाजुङ घर भई चितवन भरतपुर महानगरपालिका-२० चन्द्रनगर बस्ने २६ वर्षीय विजय गुरुङ रहेको प्रहरीले जनाएको छ ।
मुग्लिङ् तर्फबाट आँबुखैरेनी तर्फ पैदल आउँदै गरेका गुरुङलाई शंका लागी शरीरखान तलासी गर्दा निजले पछाडी भिरेको झोला भित्र पत्रिकामा पारी लुकाई छिपाई राखेको अवस्थामा लागुऔषध बरामद गरिएको छ ।
प्रहरी नायब उपरिक्षक मोहनबहादुर खॉणका अनुसार २१ थान लागुऔषध बरामद गरी निज विरुद्ध अदालतबाट सात दिनको म्याद थप गरिएको छ ।
