निष्पक्ष र विश्वसनीय खबरको सँगालो 
Khabar Punja
१६ मंसिर २०८१, सोमबार
दमाैली । तनहुँको आँबुखैरेनीस्थित मस्र्याङ्दी जलविद्युत् आयोजनाको जलाशयमा मोटरबोट सञ्चालन गर्न तयारी थालिएको छ । आँबुखैरेनी गाउँपालिकाले वडा नं १ र २ स्थित तल्लो मस्र्याङ्दी जलविद्युत् आयोजनाको जलाशयमा मोटरबोट तथा पर्यापर्यटन सञ्चालन गर्न लागेको हो । गण्डकी प्रदेशको प्रवेशद्वारस्थित उक्त ठाउँमा पर्यटक भित्र्याउँदै पर्यटन प्रवद्र्धनका लागि यो काम गर्न लागिएको गाउँपालिकाका अध्यक्ष शुक्र चुमानले बताए ।
यसका लागि गाउँपालिकाले मोटरबोट तथा पर्यापर्यटन सञ्चालन तथा व्यवस्थापनका लागि बोलपत्र आह्वान गरिसकेको छ । उनले भने “जलाशयमा मोटरबोट सञ्चालन गर्न सकिए यो ठाउँ आन्तरिक तथा बाह्य पर्यटकको गन्तव्यस्थल बन्न सक्छ । पृथ्वीराजमार्ग हुँदै यात्रा गर्नेलाई यस ठाउँमा रोक्न सकिन्छ ।” मोटरबोट सञ्चालन गरी स्थानीयवासीको जीविकोपार्जनमा सहयोग पु¥याउने लक्ष्य राखिएको अध्यक्ष चुमानले बताए ।
उनले भने “ऊर्जा, जलस्रोत तथा सिँचाइ मन्त्रालयसँग यस विषयमा समन्वय गरेका छौँ । यहाँ मोटरबोट सञ्चालन गर्न सकिए राजमार्ग भएर यात्रा गर्ने यात्रुलाई आँबुखैरेनीमा भुलाउन सक्छौँ ।”
