निष्पक्ष र विश्वसनीय खबरको सँगालो 
Khabar Punja
१८ मंसिर २०८१, बुधबार
दमौली । तनहुँ उद्योग वाणिज्य संघको अध्यक्षमा इमकुमार मल्लको उम्मेदवारी दर्ता भएको छ । संघको अधिवेशन अन्तर्गत शनिबार मनोनयन दर्ता रहेकामा मल्लले अध्यक्षमा उम्मेदवारी दर्ता गरेका हुन् ।
मल्ल हालका प्रथम उपाध्यक्ष हुन् । प्रथम उपाध्यक्षमा कुमार मल्ल, द्वितीय उपाध्यक्षमा दिनेशकुमार श्रेष्ठ र कोषाध्यक्षमा भीमलाल श्रेष्ठको उम्मेदवारी परेको निर्वाचन प्रबन्ध समितिका संयोजक डम्बरदेव हड्खलेले जानकारी दिए ।
प्रथम उपाध्यक्षका उम्मेदवार मल्ल हालका द्वितीय उपाध्यक्ष र द्वितीय उपाध्यक्षका उम्मेदवार श्रेष्ठ हालका कोषाध्यक्ष हुन् । कोषाध्यक्षका उम्मेदवार श्रेष्ठ थर्पु बजार इकाईका पूर्व अध्यक्ष हुन् ।
बिहान ११ बजेदेखि ४ बजेसम्म मनोनयन दर्ताको कार्यतालिका छ ।
