निष्पक्ष र विश्वसनीय खबरको सँगालो 
Khabar Punja
१४ मंसिर २०८१, शनिबार
दमौली । मुग्लिन पोखरा सडक विस्तारका लागि व्यास नगरपालिकाले दमौली बजार क्षेत्रका घर भत्काउन आग्रह गरेको छ । यसअघि पनि पटक-पटक घर भत्काएर सहयोग गर्न आग्रह गरिएपनि प्रगति नदेखिएकाले नगरपालिकाले पुन: अनुरोध गरेको हो ।
डुम्रे, छिर्कने लगायतका ठाउँमा घर भत्काएर कामले गति लिएपनि दमौली बजारमा भने काम हुन सकेको छैन । नगरपालिकाको सोमबार बसेको कार्यपालिका बैठकले राष्ट्रिय प्राथमिकता प्राप्त बाटो विस्तारमा सहयोग पुर्याउन आग्रह गरेको प्रवक्ता जीवन गुरुङले बताए ।
जिल्लाका अन्य ठाउँमा सडक विस्तारको कामले गति लिएपनि दमौली बजार क्षेत्रमा संरचना नहटाउँदा काम हुन सकेको छैन ।
